“Shkoi me këmbët e saj” Flet bashkëshorti i mësueses që humbi jetën në spitalin e Pogradecit: Mbaroi direkt 10 minuta pas gjilpërës

Luan Bazelli, bashkëshorti i 47-vjeçares që humbi jetën dje në spitalin e Pogradecit, ka folur për mediat.

Ai ka thënë se Anila Bazelli, me profesion mësuese, humbi jetën pak minuta pasi kishte mbërritur në spital e shoqëruar nga familjarët, sepse nuk ishte ndjerë mirë.

Ndërkohë në shtëpinë e saj sot, janë hapur dyert e motit për ta përcjellë në banesën e fundit.

I shoqi deklaron se gruaja ishte me shëndet të mirë dhe se ka humbur jetën nga mjekimi.

Ai tregon se pak sekonda pasi kishte bërë një gjilpërë ka dhënë frymën e fundit.

“Zonja ime ishte me shëndet të mirë, të akuzoj apo jo janë organet që po merren me çështjen, di që zonja ime ka ikur nga mjekimi, pakujdesia. Në spital ka mbërritur me këmbët e saj, me tension normal, me te tëra. Pas gjilpërës ajo mbaroi direkt. Nuk ka pasur sëmundje të tjera vetëm pak probleme me astmën”, deklaroi bashkëshorti i 47-vjeçares.