U vr a në krye të detyrës, sot mbahen në Pallatin e Kongreseve homazhe për nënkomisarin Saimir Hoxha

Ditën e sotme mbahen homazhe për nënkomisarin Saimir Hoxha, i cili u vra paraditen e së martës teksa ishte në krye të detyrës nga 21-vjeçari Aldi Rama. Homazhet do të mbahen në Pallatin e Kongreseve, nga ora 12:00 deri në orën 15:00.

Ministri i Brendshëm, Bledi Çuçi deklaroi një ditë më parë se kanë nisur procedurat për shpalljen “Dëshmor i Atdheut” të oficerit Hoxha.

Nënkomisar Saimir Hoxha bënte pjesë në grupin e kontrollit të territorit, për evidentimin dhe asgjësimin e lëndëve narkotike.

Autori i ngjarjes, Aldi Rama, një i ri i dënuar më herët në fushën e narkotikëve, u neutralizua pas shumë orësh rrethim nga forcat speciale të policisë.

Po vijojnë hetimet intensive për zbardhjen dhe dokumentimin e gjithë detajeve të kësaj ngjarje të rëndë, që ka prekur dhe shokuar mbarë opinionin publik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern