Edhe pse nuk arriti të merrte mandatin e deputetit në zgjedhjet e 25 prillit, Ervin Bushati është emëruar në një post të rëndësishëm.
Mësohet se ai tashmë do të drejtojë Postën Shqiptare.
Prezantimi i Ervin Bushatit si drejtor i Përgjithshëm i Postës Shqiptare, ose me titull zyrtar “Administrator” pritet të bëhet nesër në orën 14:00. Më herët ky post ishte mbajtur nga Laert Duraj, dhe përkohësisht nga Hipokrat Biba.
Ervin Bushati ishte pjesë e listës PS në qarkun e Tiranës në zgjedhjet e 25 prill, por nuk siguroi mjaftueshëm vota për të marrë mandatin. Disa kandidatë brenda kampit rozë thyen herësin e partisë duke fituar mandatin e humbur nga Bushati.
