LIGJET E BIZNESIT
Kreu i Grupit Parlamentar të Partisë Demokratike, Alfred Rushaj, ka folur për vendimin e kryedemokratit Basha për përjashtimin e ish-kryeministrit Berisha.
Sipas tij, konflikti mes Berishës dhe Bashës ka sjellë edhe një debat emocional midis demokratëve, teksa shtoi se vendimi i Bashës shmangu një konflikt mes PD-së dhe SHBA-së.
“Që ka një debat është e qartë, do të isha i pasinqertë nëse do thoja që çdo gjë po shkon shumë mirë, konflikt nuk mund të quhet, ka një debat, debat emocional mes demokratëve, Berisha ngjall shumë emocione te ne demokratët, jemi rritur duke parë betejat opozitare të tij. Situata nuk është rozë, që nuk ka debat, nuk mund ta themi, por kjo gjë mendoj që nuk mund të karakterizohet si konflikt dhe me kalimin e kohës, kur emocionet të bien, njerëzit do të mund të identifikojnë gjënë që është më e logjikshme, atë vendimmarrje që ka eliminuar një konflikt të vërtetë ndërmjet PD dhe një partneri të rëndësishëm siç është SHBA”, tha Rushaj në “5 Pyetje nga Babaramo”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
