“Jemi kthyer në parlament për këto arsye” Përfundon mbledhja e PD, Basha jep deklaratë për mediat

Pas përfundimit të mbledhjes së grupit parlamentar, kryetari i Partisë Demokratike Lulzim Basha ka dhënë një deklaratë për mediat.

Ai theksoi se fajtori kryesor i varfërisë në vendin tonë është qeveria Rama.

Basha tha se këtë vit opozita është në parlament për të rikthyer legjitimitetin e demokracisë që sipas tij është asgjësuar nga masakra zgjedhore e 25 prillit.

“Fajtori i varfërisë në vend dihet, janë politikat zhvatëse të kësaj qeverie dhe mentaliteti i këtij grupi që mendon vetëm për xhepat e vet. Për të groposur këtë sjellje por mbi të gjitha për të sjellë një lehtësim për qytetarët grupi i PD propozon për të vendosur uljen e tatimit mbi vlerën e shtuar nga 20% në 6% jo vetëm për shportën por të gjitha mallrat që afektojnë qytetarët.

Hap i domosdoshëm për të ndihmuar njerëzit që janë në nevojë. Do të kërkojmë uljen e TVSH duke provuar qartë që ky shtet pavarësisht i rrënuar, i zhvatur, mund të bëhet. E dyta ka të bëjë me faktin se përse jemi në parlament, pra jemi për funksion të kthimit të legjitimitetit të demokracisë që është asgjësuar nga masakra zgjedhore e 25 prillit”, theksoi Basha.