Një i vdekur dhe 9 të plagosur nga tërmeti në Greqi

Një i vdekur dhe 9 të plagosur. Është ky bilanci i frikshëm i deritanishëm nga tërmeti që goditi Kretën këtë mëngjes. Mediat në Greqi raportojnë se viktima ishte bllokuar në kishën e Profitis Ilias në Arkalochori bashkë me dy persona të tjerë që kanë arritur të shpëtojnë.

Bëhet me dije se një pjesë e kishës u shemb duke zënë poshtë tre persona. Një qytetar në Patsideros u bllokua për minuta të tëra në banesën e tij pasi nuk mund të hapte derën si pasojë e dëmeve të tërmetit.

Në spitale janë dërguar 9 persona të cilën kanë pësuar gërvishtje dhe fraktura.

Në fshatrat Roussochoria, Archontiko dhe Patsideros janë raportuar dëme të shumta në ndërtesa. Ndërkohë, disa persona që ishin bllokuar në një farmaci arritën të dilnin pas disa minutash.