Gjykata e Selanikut në Greqi është evakuuar mëngjesin e kësaj të hëne pas një telefonate kërcënuese që dha alarm për bombë.
Mediat në Greqi bëjnë me dije se thirrja është bërë pak para orës 09:00 të mëngjesit në numrin 3-shifror të urgjencës, 112.
Forcat e policisë kanë mbërritur në vendngjarje dhe po kontrollojnë të gjithë ambientet e gjykatës, dyert e të cilës po qëndrojnë të mbyllura. Ndërkohë, është bllokuar edhe qarkullimi i automjeteve në zonën para gjykatës deri në verifikimin e plotë të situatës.
