Fillon sot viti i ri shkollor, mësuesit me certifikata vaksinimi ose test të virusit 

Këtë të hënë fillon viti i ri shkollor për arsimin parauniversitar në Shqipëri. Këtë herë të gjithë nxënësit e mësuesit mund të zhvillojnë mësim fizikisht, por me masa.

Mësuesit janë të detyruar që të jenë të pajisur me certifikatë vaksinimi ose test të përjavshëm ndaj COVID-19. Po ashtu në klasa është e detyueshme maska dhe distanca. Mësohet se dhe mësimi do të zhvillohet me orë fikse.

Deri në klasën e pestë mësimi do të zhvillohet me dy turne në orare të ndryshme.

Një ditë më parë, ministrja e Arsimit, Evis Kushi i kërkoi nxënësve e mësuesve të zbatojnë masat anti-covid pasi siguria dhe shëndeti janë parësore.