Kryeministri Edi Rama do të shkojë nesër në Kosovë.
Vizita e tij zhvillohet në një kohë kur veriu i vendit është përfshirë në një valë trazirash për shkak të vendosjes së reciprocitetit me target serbe.
Rama do të mbërrijë së pari në Kryeministri, ku edhe do të zhvillojë një takim me homologun e tij, Albin Kurti.
Pjesë e bisedës do të jetë edhe nisma “Ballkani i Hapur”, për të cilën deri më tani Kosova e ka refuzuar që të marrë pjesë.
Më pas, kreu i qeverisë Rama do të takohet me tre liderët e opozitës: Ramush Haradinaj, Memli Krasniqi dhe Lumir Abdixhiku.
Po ashtu, gjatë qëndrimit në Kosovë, Rama do të dekorojë edhe akademikun, Rexhep Qosja.
