E rëndë në Gjirokastër/ Gruaja dhunohet nga ish-burri dhe kunati në mes të lokalit

Një ngjarje e rëndë ndodhi mbrëmjen e djeshme në Gjirokastër.

Mësohet se dy vëllezër kanë hyrë në një lokal për të rrahur ish-bashkëshorten e njërit prej tyre.

Ata janë shpallur në kërkim nga policia pasi e kanë dhunuar gruan në ambientet e një lokali në lagjen “18 shtatori”.

Sipas uniformave blu, dy personat që janë shpallur tashmë në kërkim, kanë qëlluar me mjet mprehës dhe dorezë hekuri edhe një 33-vjeçar.

NJOFTIMI ZYRTAR I POLICISE:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Specialistët për Hetimin e Krimeve në Komisariatin e Policisë Gjirokastër shpallën në kërkim shtetasit F. S. dhe G. S.(vëllezër) pasi këta shtetas gjatë mbrëmjes së datës 25.09.2021, në një bar-kafe në lagjen “18-Shtatori”, Gjirokastër kanë dhunuar fizikisht dhe psikologjikisht shtetasen O. S.(ish bashkëshortja e shtetasit F. S.).

Gjithashtu për motive të dobëta kanë qëlluar me mjet mprehës dhe dorezë hekuri shtetasin S. G., 33 vjeç, banues në Gjirokastër, i cili ndodhet në Spitalin Rajonal Gjirokastër jashtë rrezikut për jetën.

Vijon puna intensive për kapjen dhe ndalimin e shtetasve F. S. dhe G. S.