‘Co*idi i zgjatur’: Simptomat më të shpeshta dhe kush janë më të rrezikuarit

Në tetor të një viti më parë, u raportua diçka shqetësuese për Covidin – Covidi i zgjatur, term që i referohej pasojave post-Covid. Po cilat janë simptomat dhe kush janë më të rrezikuarit?

Mendohet se Covidi i zgjatur pret 5% të njerëzve që nuk shtrohen në spital dhe deri në 80% të pacientëve të shtruar në spital. Një studim i drejtuar nga Departamenti i Shëndetit dhe Shërbimeve Njerëzore në Long Beach, vlerësoi 366 njerëz 18 vjeç e lart që u testuan pozitivisht për Covid-19 midis 1 prillit dhe 10 dhjetorit 2020. Pacientët më pas u intervistuan të paktën 2 muaj pas testimit pozitiv.

Një e treta e pacientëve raportuan të paktën 1 simptomë 2 muaj pas infektimit. Simptomat më të zakonshme përfshinin lodhje, vështirësi në frymëmarrje dhe parosmia (humbja e nuhatjes).

Mundësia e simptomave ishte më e madhe tek gratë, njerëzit 40 vjeç e lart dhe ata me probleme shëndetësore ekzistuese.

Çfarë e shkakton Covidi-in e zgjatur? Studiuesit dyshojnë për faktorë të ndryshëm, megjithëse është e paqartë pse disa grupe kanë një shans më të madh për të zhvilluar Covidin e zgjatur.

“Mund të ketë virus të vazhdueshëm SARS-CoV-2 (shkaku i Covid-19), ose ndoshta jo virus i plotë, por pjesë të tij, diku në trup pavarësisht shërimit nga infeksioni akut (dhe madje edhe testimi negativ i Covid-19)-dhe ky virus bën që sistemi imunitar të vazhdojë të aktivizohet,” tha për Healthline Dr. Albert Shaw, një specialist i sëmundjeve infektive në Yale Medicine.

Një teori tjetër është se kur lufton koronavirusin, sistemi imunitar gjeneron gjithashtu “autoantitrupa” të cilët luftojnë proteinat normale në trup./anabel