Tiranë/ Ndryshon sërish harta e lëvizjes për automjetet, ja çfarë rrugësh duhen ndjekur

Duke nisur nga e diela në mëngjes, aksi kryesor nga Ura e Lanës deri te Pallati me Shigjeta do të hapet për qarkullimin e automjeteve.

Njoftimi është dhënë nga Autoriteti Rrugor Shqiptar në faqen zyrtare.

Në të thuhet se makinat që do të vinë nga autostrada Tiranë- Durrës do të devijojnë pas daljes nga galeria 5 duke përdorur karrexhatën e re të rrugës kryesore majtas Loti 2.

NJOFTIMI I ARRSH:

Hapet për qarkullimin e mjeteve aksi kryesor nga Ura e Lanës deri te Pallati me Shigjeta duke përdorur karrexhatën e re të rrugës kryesore majtas Loti 2

Duke filluar nga orët e para të mëngjesit të datës 26.09.2021 automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.

Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim, pas kësaj periudhe, do të kanalizohen në rrugën e re paralele të krahut të djathtë.

Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti.