LIGJET E BIZNESIT
Ditën e sotme në orën 12:30 do të shpaloset Progres Raporti i Komisionit Europian për vendet e Ballkanit e Perëndimor dhe Turqinë përsa iu përket procesit të zgjerimit.
Parlamenti Evropian do të njihet sot me raportet e progresit të vendeve të Ballkanit dhe Turqisë në kuadrin e reformave të integrimit në Bashkimin Europian. Do të jenë komisioneri për zgjerimin, Johannes Hahn dhe Përfaqësuesja e Lartë e BE-së, Federica Mogerini, që do prezantojnë së pari këto raporte para deputetëve, me rastin e miratimit të Paketës së Zgjerimit të vitit 2019 dhe të Raporteve Vjetore për shtetet përkatëse të Ballkanit Perëndimor, përfshirë Shqipërinë.
Nuk dihet ende se çfarë shkruhet në raport në lidhje me hapjen e negociatave për muaj qershor, për vendin tonë. Por sot do të jepen vlerësimet e Komisionit Europian për punën që Shqipëria ka bërë në realizimin e 5 prioriteteve kyçe. Raportet specifike për secilin vend në paketën e re të zgjerimit të Komisionit Europian do të shërbejnë që eurodeputetët të përgatisin rezoluta të hollësishme për secilin vend.
Vendimi për çeljen e negociatave bëhet nga Këshilli Evropian ku marrin pjesë krerët e vendeve anëtare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
