LIGJET E BIZNESIT
Kryetari i Partisë Demokratike, Lulzim Basha nga qyteti i Elbasanit i është përgjigjur edhe një herë tjetër letrave të kryeministrit Rama. Duke folur para mbështetësve të tij, Basha tha se nuk mund të bëhen më pazare në kurriz të qytetarëve.
Sipas Bashës dialog mund të ketë vetëm kur të mbyllet ky kapitull i demokracisë në vend dhe të hape një i ri me zgjedhje të lira dhe të ndershme.
“Pazar në kurriz të shqiptarëve, kurrë, kurrë, asnjëherë nuk do të ketë. Por që të gjithë shqiptarët e ndershëm le ta dinë se ne jemi të investuar që kjo krizë të zgjidhet vetëm në interes të qytetarit shqiptar. Kjo do të thotë jo thjesht dhënia fund e një qeverie jo legjitime por një reformë e thellë politike dhe kushtetuese që kurrë me asnjë grusht horrash të mundet të marrë peng zgjedhjet. Në dialog të vërtetë ftojmë të gjithë ata që duan mbylljen e këtij kapitulli të tmerrshëm. Të hapim kapitullin e Shqipërisë me demokraci dhe zgjedhje vërtetë të lira me ndarje dhe balancim pushtetesh, vetëm kështu parandalojmë marrjen peng të vendit. Perëndimorëve iu kemi ofruar gatishmërinë tonë për të qenë pjesë e zgjidhjes politike. Rruga e vetme është ajo e normave, rrugën e parimeve, standardeve europiane. Ne nuk kërkojmë asgjë më shumë por nuk pranojmë asgjë më pak se parimet europiane”,- u shpreh Basha nga Elbasani.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
