LIGJET E BIZNESIT
Ditët e fundit në media u përfol për një lajm bombastik në të cilin pretendohej se këngëtarja Eli Fara kishte marrë pagë si drejtoreshë në ministri për tetë vite me radhë. Ky lajm ishte i pabazuar në prova. Vetë këngëtarja e mohoi dicka të tillë.
Por, ndërkohë ditën e sotme gazetari Adriatik Doçi shkruan se edhe gazetarja Anila Basha, është e punësuar si këshilltare në Bashkinë e Elbasanit, ku merr një pagë prej 700 mijë lekë.
Postimi i plotë i Docit:
Harrojeni Eli Farën, Anila Basha 700 mijë lekë pagë si ‘këshilltare’ e Gentian Llatjes. Bashkia e Elbasanit: E kemi emëruar direkt, pa konkurs për…
Dhe jo pagë dosido, por të kategorisë III A/1, me vlerë rreth 700 mijë lekë në muaj, më të lartë se paga e kryebashkiakut të Kolonjës, Erion Isai, meqenëse edhe është ankuar. Se çfarë këshillash i ka dhënë Anila Basha fillimisht Qazim Sejdinit dhe tashmë Llatjes kjo nuk dihet, por ndoshta, kur takohen rastësisht, rrëkëllejnë ndonjë dopjo raki bashkë!
Për ndonjë koleg që i ka merak të drejtat e grave dhe kërkon fakte mbështetëse, kjo është një pjesë e përgjigjes zyrtare të Bashkisë së Elbasanit: “Anila Basha kryen detyrën e këshilltares së kryetarit për marrëdhëniet me median dhe shtypin në baze të kërkesave e detyrave që i ngarkon direkt kryetari i bashkisë… Për emërimin e zonjës nuk ka një praktikë rekrutimi pasi këshilltarët emërohen direkt nga kryetari i bashkisë në baze të nevojave dhe kërkesave që ai ka…”.
Tashmë lind pyetja; A ka shkuar ndonjë ditë në punë Anila Basha? A janë falsifikuar listëprezencat e saj në punë të firmosura çdo muaj nga shefi i kabinetit? Unë besoj se që të dyja pyetjet janë retorike dhe për këtë ka fakte të pafundme.
