Kurti: Mirëqenia jonë varet shumë nga mërgata, tragjedia e rëndë për ne

Kryeministri Albin Kurti në një konferencë për media me homologun e tij kroat, Andrej Plenkoviç, foli në lidhje me aksidentin e rëndë që ka ndodhur sot në Kroaci.

Ai ka falënderuar shtetin kroat për trajtimin e të lënduarve nga ky aksident.

“I vizitova pacientët në dhomat e spitalit. Falënderoj profesionistët shëndetësorë për kujdesin e treguar dhe angazhimin e pakursyer. Qindra mijëra qytetarë të vendit tonë kthehen për pushime në vendlindje. Shteti dhe mirëqenia jonë, ajo çfarë e kemi, varet shumë prej tyre, prandaj kjo tragjedi është tepër e rëndë për ne”, tha ndër të tjera Albin Kurti.