“Gjithçka ndodhi brenda një minute”/ Flasin dy nga të mbijetuarit e aksidentit në Kroaci

10 qytetarë humbën jetën sot në Kroaci, pasi autobusi i linjës Franfkurt-Prishtinë ka humbur kontrollin duke dalë jashtë rruge.

Në një linje direkte për RTK-në dy nga personat që i kanë mbijetuar këtij aksidenti kanë treguar sesi ka rrjedhur ngjarja.

“Ka ndodh brenda një minute. Vetëm kemi parë se është rrëzuar autobusi. Kemi parë kiamet. Shoferët kanë qenë në gjumë. Ata janë ndërruar kohë pas kohe”, ka thënë njëri prej të mbijetuarve.

Një tjetër pasagjer i cili ishte brenda autobusit që u aksidentua, tregoi se të lënduarit janë mirë.

“Autobusi ka shkuar zvarrë diku rreth 100 metra. Të lënduarit janë më mirë”, ka pohuar edhe njëri prej lënduarve.