LIGJET E BIZNESIT
Medalja e artë e Kosovës në Rio 2016, Majlinda Kelemendi zhgënjeu në Lojërat Olimpike. Ajo u eleminua që në raundin e parë.
Ishte rivalja hungareze Reka Pup ajo e cila mundi Kelmendin në kategorinë 52 kilogramë. Një situatë e tillë befasoo të gjithë tifozët të cilët prisnin prej saj një rezultat pozitiv.
Duket se më shumë nga të gjithë e ka përjetuar, trajneri Driton Kuka. Ky i fundit, nëpërmjet një postimi në rrjete sociale ka shprehur mbështetjen totale për sportisten shqiptare për të cilën thotë se është krenar për të deri në frymën e tij të fundit.
Postimi:
Krenaria e veprimtarisë time …
Majlinda të falenderoj për jetë!
Do jesh gjithmonë Kampione Olimpike,Botërore e Evropiane!
Sot mos u hidhëro,puna e sakrifica,djersa e gjaku që ke derdhur për veten tande,për mua,familjet tona,popullin Shqiptar tu ka shpërblyer gjatë karrieres.
Mos u hidhëro se e arta e Disit është e të gjithë neve e ekipit tonë.
Mos u hidhëro sot të lutem,kokën lartë se aq shumë gëzime i ke dhuruar popullit Shqiptar!
Zoti të ka shpërblyer punën tande,lëndimet ishin sfida që aq shumë të munduan ty fizikisht e mua shpirtnisht.
Kokën lartë Majlinda!
Krenar me ty deri në frymën time të fundit …
