Video/ “Këtej këtej…! Pamje nga vendi ku ndodhi plagosja e dy të rinjve në Tiranë

Një plagosje e dyfishtë me armë zjarri shkaktoi panik mbrëmjen e sotme tek banorët në rrugën “Todi Shkurti” në Tiranë, në afërsi të zonës së Qytetit Studenti rreth orës 20:30.

Mediat sjellin pamje nga vendi i ngjarjes, në lokalin ku ndodhi plagosja me armë zjarri, teksa policia ka rrethuar zonën.

“Këtej, këtej, nuk lejohet” dëgjohet të thotë një efektiv policie.

Policia bën me dije se dy personat që u qëlluan janë Altin Gjoka 32 vjeç, i cili ka marrë një plumb në shpatull dhe Jetmir Marashi 28 vjeç, që ka një plagë në gjoks.

Dy të rinjtë janë transportuar në spital, ndërsa njëri prej tyre ndodhet në gjendje të rënduar shëndetësore.

Policia po punon për zbardhjen e ngjarjes.