Prekëse/ Nëna e shpëtoi nga rrënojat dhe më pas vdiq, foshnja nxirret shëndoshë e mirë  

Kina po kalon një situatë mjaft të vështirë sa i përket përmbytjeve nga reshjet dendura të shiut.

Deri më tani janë konfirmuar qindra të humbur dhe 51 viktima teksa rreth 400 mijë qytetarë janë evakuuar nga shtëpitë e tyre.

Një grua që kishte mbetur nën rrënoja arriti të nxirrte të gjallë foshnjën e saj, por fatkeqësisht vetë ajo nuk arriti të mbijetojë.

BBC shkruan se nëna dhe fëmija ishin të bllokuar nën rrënoja prej më shumë se 24 orësh.

Mediat e huaja kanë publikuar edhe videon ku shfaqet momenti i shpëtimit të foshnjës 3-4 muajshe nga rrënojat. Për fat të keq, autoritetet nuk kanë mundur t’i shpëtojnë të ëmën.

Një i afërm i familjes lajmëroi ekipet e shpëtimit pasi kishte dëgjuar zërin e foshnjes nën rrënoja. Nëna e kishte nxjerrë foshnjën e saj në një pjesë ku nuk rrezikonte mbytjen.

Ekipet e kërkim-shpëtimit nxorën foshnjen të cilën e dërguan në spital. Fatmirësisht, foshnja nuk kishte pësuar lëndime. Ndërsa trupi i pajetë i nënës u gjet më pas.