“Bëni detyrën” 5 vite nga Reforma në Drejtësi, Yuri Kim lëshon ultimatumin për zyrtarët shqiptarë

Në kuadër të 5-vjetorit të Reformës në Drejtësi, ambasadorja e SHBA në vendin tonë Yuri Kim ka marrë pjesë në takimin me ministren Etilda gjonaj.

Ajo ka lëshuar një ultimatum, duke paralajmëruar se askush nuk është mbi ligjin, pavarësisht sa i fuqishëm është.

“93% e mbështetën Reformën në Drejtësi, kjo tregon sa shumë shqiptarët duan ndryshime. Kjo reformë nuk ka qenë e lehtë apo perfekte. Edhe SPAK u ndërtua dhe po jep rezultate. Ka pasur luftë kundër korrupsionit, janë rrëzuar zyrtarë të korruptuar. Po tregohet se ligji është i barabartë për të gjithë.

Askush, s’ka rëndësi sa i fuqishëm mendon se është, nuk është mbi të. Varet nga ju për të treguar se kjo është e vërtetë. Kjo është shpresa e të gjithëve për të siguruar se do ta bëjnë refomën siç duhet. Po luftohet krimi i organizuar dhe politikanë të korruptuar. Disa nuk donin që reforma të ndodhte. Shumë shpresojnë që të ndalojnë, por është detyra e të gjithëve në tavolinë, shqiptarëve jo të huajve, që të bëjnë detyrën. Është koha për ju që të nisni një epokë të rë.

Shqiptarët të kenë besim se do të kenë një shans të drejtë në jetë, të kërkojnë drejtësi. Ka nisur. Keni bërë një nisje të mirë, por ka shumë punë për të bërë. Përpjekjet për drejtësi kanë nisur që me administratën Obama, është koha e duhur që të festojmë. Është koha e duhur për të parë ku jemi dhe ku dëshirojmë që të shkojmë. Ata që kanë përfituar nga sistemi i shkuar duhet të kuptojnë se koha e tyre ka mbaruar”, është shprehur Yuri Kim.