LIGJET E BIZNESIT
Pas rritjes së numrit të të infektuarve me C OVID19, Italia ka marrë një vendim të ri.
Duke nisur nga 6 gushti, ky shtet do të kërkojë tashmë certifikatën e vaksinimit për të kryer një sërë aktivitetesh.
Kjo do të thotë që të gjithë personat e moshës 12 vjeç e lart, që kanë marrë së paku një dozë, do të mund të hynë në disa vende, përfshirë ambientet e brendshme të restoranteve, kinematë dhe palestrat.
Megjithatë, pas mosmarrëveshjeve brenda koalicionit qeveritar, certifikata nuk do të jetë e nevojshme për transport.
Rastet me koronavirus janë sërish në rritje në Itali.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ato janë dyfishuar gjatë javës së kaluar, ndërsa mbi 5,000 janë raportuar vetëm të enjten.
Rreth gjysma e italianëve janë tani për tani plotësisht të vaksinuar.
Që nga fillimi i pandemisë, në mars të vitit të kaluar, Italia ka konfirmuar mbi 4.3 milionë raste me koronavirus dhe afro 128,000 viktima.
Edhe disa vende të tjera në Evropë, përfshirë Francën këtë javë, kanë vendosur të kërkojnë certifikatën e vaksinimit për qasje në vende të caktuara publike.
Numri i të infektuarve është në rritje, si pasojë e variantit më ngjitës të koronavirusit, Delta.
