A do të rimbyllet Shqipëria nga pandemia në shtator? Përgjigjet për herë të parë Eugena Tomini

Së fundmi në media kanë qarkulluar lajme për një rimbyllje të mundshme në muajin shtator.

Por sipas zv.ministres së Shëndetësisë Eugena Tomini, masat do të vendosen në bazë të situatës epidemiologjike.

“Sigurisht që deri në këto momente Shqipëria ka mbajtur nivelin e masave të moderuara dhe cdo gjë është kryer në varësi të situatës epidemiologjike, indikatorëve, pozitivitetit, e njëjta linjë do mbahet edhe në vijim edhe përkundrejt Deltës që parashikohet të sundojë qarkullimin.

Cdo element përkundrejt masave shrenguese varet në varësi të prezencës së Deltës, agresivitetit, e indikatorëve matës. Janë masa që ndryshojnë, situata është dinamike. Parasahikimet janë të gjitha parashikime asgje s’është e sigurt përkundrejt situatës epidemiologjike, ekspertë ndërkombëtarë s’janë të sigurt kundrejt parashikimeve, jemi duke ndjekur të njëjtën linjë e rekomandim si gjithë shtetet e botës”, në një intervistë në News24.