“Ju lutem, vaksinohuni” Kryeministri grek lëshon paralajmërimin e fortë: Ja çfarë pritet në shtator

Kryeministri grek Kyriakos Mitsotakis ka bërë një thirrje të fortë për të gjithë mësuesit në mënyrë që ata të vaksinohen.

Për numrin një të qeverisë, shtatori po vjen dhe shkollat duhet të rihapen në mënyrë të sigurtë.

Rruga e vetme për këtë sipas tij, është vaksinimi.

Ai thotë se nëse një mësues sëmuret është shumë e vështirë për t’u zëvendësuar prandaj për këtë arsye duhet vaksinimi i të gjithëve.

“Cila është politika më e mirë për të adresuar këtë çështje në mes të një pandemie? Politika më e mirë është që fëmijët tanë të kthehen në shkollë sa më shpejt të jetë e mundur. Kjo është arsyeja pse vaksinimi i mësuesve është kaq i rëndësishëm. Nëse një mësues i shkollës fillore sëmuret, atëherë është shumë e vështirë të zëvendësohet. Në këtë rast, shkolla ose një pjesë e saj mund të ketë nevojë të mbyllet për një ose dy javë. Kjo është arsyeja pse, nga ky hap, unë ftoj të gjithë stafin mësimdhënës, mësuesit dhe profesorët. Ju lutemi: Vaksinohuni! Në mënyrë që ne të jemi në gjendje të rihapim shkollat tona në mënyrë të sigurt dhe me problemet më të pakta të mundshme në shtator”- tha Mitsotakis.