“Kryem marrëdhënie me dëshirë” I akuzuari për p*rdhunimin e Miss Kosovës habit me deklaratën

Pak ditë më parë Miss Kosova Tuti Sejdiu deklaroi se është trafikuar në Serbi nga fqinji i saj kur ishte në moshën 13 vjeçare.

Asokohe i akuzuari që ishtë 35 vjeç, është dënuar në 2016 me katër vite burg për veprën penale “keqpërdorim seksual i personave nën nën moshën 16-vjeçare” nga Gjykata Themelore e Prishtinës. Por vendimi është apeluar dhe është ulur 1 vit nga dënimi.

Në dëshminë e tij në gjykatë, i akuzuari  ka pranuar se ka kryer marrëdhënie me Tutin, e cila asokohe ishte 13 vjeçe, ku sipas tij akti ka ndodhur me vullnetin e saj.Më tej ai ka thënë se nuk ishte në dijeni se Tuti Sejdiu ishte vetëm 13 vjeçe, duke menduar se ishte 16.

“Kam filluar të punoj në shitoren time në Gjilan, aty ka ardhur e dëmtuara dhe kemi shkëmbyer puthje. Prej atij momenti ka filluar lidhja dhe komunikimi përmes telefonit të babait të saj. Të nesërmen kemi shkuar te motel “C..”, dhe aty kemi pasur marrëdhënie seksuale me vetëdëshirën dhe iniciativën e të dëmtuarës, edhe më herët ajo kishte pasur marrëdhënie seksuale. E kam ditur që e dëmtuara është e mitur, por nuk e kam ditur që është nën moshën 16-vjeç”, kishte pohuar ai, raporton gazeta Ekspress.

Ndërsa viktima e rastit ka deklaruar se me të akuzuarin ka pasur marrëdhënie seksuale në Kosovë dhe në Serbi. Ndër të tjera ajo ka hedhur poshtë pretendimet e fqinjit për moshën, duke pohuar se ai e dinte moshën e saj.

“Edhe pse fillimisht kam shkuar vullnetarisht, në ndërkohë kam kërkuar nga ai që të më lëshojë. Gjithashtu, i akuzuari m’i ka dhënë edhe 10 euro dhe e ka ditur për moshën time. Është e vërtetë që kam dalur me të akuzuarin dhe kemi shkuar në motel në Gjilan dhe gjatë kohës sa kemi qëndruar aty, kemi pasur marrëdhënie seksuale dhe i njëjti ka kërkuar nga unë që t’i bëj disa foto, kinse për pasaportë, në mënyrë që të udhëtojmë për Kanada, duke kërkuar nga unë që të mos pranoj, nëse dikush më pyet për lidhjen tonë. Ai ka bërë plane që të shëtisim, por gjithmonë ka thënë që së pari ta arrij moshën madhore, që nënkupton se e ka ditur që unë jam e mitur”, ishte shprehur ajo.