LIGJET E BIZNESIT
Komisioni i Pavarur i Kualifikimit, KPK shpalli këtë të mërkurë vendimin për shkarkimin nga detyra të prokurorit të Shkodrës, Arben Smaçi, që nuk ishte i pranishëm gjatë shpalljes së vendimit.
Hetimi administrativ në lidhje me prokurorin Smaçi u përfundua vetëm për kriterin e pasurisë. Gjatë seancës dëgjimore të enjten në datën 15 korrik, Komisioni evidentoi se prokurori Arben Smaçi kishte kryer deklarim të pasaktë dhe të rremë për çmimin e një apartamenti, teksa rezultoi me mungesa financiare të mëdha për justifikimin e pasurisë.
Trupi gjykues i cili kreu procesin e rivlerësimit për prokurorin e njohur kryesohej nga Valbona Sanxhaktari, me relatore Firdes Shulin dhe anëtar Olsi Komicin.
Karriera e Smaçit filloi në vitin 2010 në prokurorinë e Durrësit dhe në vitin 2011 është emëruar në Prokurorinë e Rrethit Gjyqësor Shkodër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
