“Donte të ndahej, më tha ‘e urrej burrin’ “/ Ekzekutimi i Caroline, psikologia tregon të fshehtat

Në një artikull të medias greke  “Protothema“, zbulohet dëshmia e psikologes së Caroline Crouch, Eleni Mylonopoulou.

Sipas saj viktima 20-vjeçare i kishte bërë me dije se donte të divorcohej.

Për gati 20 seancat që ato patën së bashku, nga tetori 2020 deri në shkurt 2021, psikologia zbuloi se Caroline ndjehej e bllokuar nga piloti 33-vjeçar, Babis Anagnostopoulos.

“Unë jam e dashuruar me personin dhe përrallën që kisha ngritur në mendjen time, por e urrej bashkëshortin tim”, mësohet t’i ketë thënë Caroline.

Mylonopoulou tha se pas krimit, ajo po merrte mesazhe kërcënuese nga të panjohur, në mënyrë që të mos zbulonte se çfarë dinte për marrëdhënien e çiftit në Glyka Nera.