LIGJET E BIZNESIT
Kryeministri Edi Rama në një vizitë një ditore në Vjenë ku është takuar me përfaqësues të universitetit BOKU, njoftoi hapjen e dialogut me ta në mbështetje të drejtëpërdrejtë të Universitetit Bujqësor të Tiranës.
“Arsyeja se pse erdha unë këtu dhe po i jap një rëndësi të veçantë programit të rii të qeverisë që do të jetë një prej përparësive të mandatit tjetër që nis në shtator. Dhe kjo ka të bëjë me përpjekje për të krijuar sinergji mes universiteteve europiane dhe atyre shqiptare. Erdha vetë për t’u siguruar që përmes pranisë time do të kuptoni se sa e rëndësishme është kjo. Do të thoja që ëndrra jonë është të kemi universitetin tuaj në shërbim të universitetit të Shqipëri”-u shpreh Rama.
Rama tha se në kuadër të një prej programeve prioritare të Vizionit Shqipëria2030, synohet lidhja e një partnershipi strategjik.
“Ju e dini se sa rëndësi i kushton Austria Ballkanit prej shekujsh edhe gjatë tranzicionit të ndërtimit të një shteti demokratik. Qeveria austrike pavarësisht nga ngjyra e koalicionit që udhëheq vendin nuk është lëkundur në vullnetin e saj për të mbështetur Shqipërinë”- shtoi ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
