Rrahu për vdekje bashkëshorten se i kërkoi divorcin, burri gjendet i pajetë në burg

Një burrë që ishte burgosur për rrahjen e gruas së tij për vdekje para fëmijëve është gjetur pa shenje jete në qelinë e tij të burgut këtë javë.

Familja, nga Utah në SHBA, ishte në bordin e anijes Emerald Princess në Alaskë kur Kenneth Manzanares, 43 vjeç, rrahu për vdekje gruan e tij 39-vjeçare Kristy më 25 korrik 2017.

Ai u deklarua fajtor për vrasje të shkallës së dytë një vit më parë dhe u dënua me 30 vite burg dhe pesë vite me kusht. Por në datën 14 korrik, Manzanares u gjet pa ndjenja në qeli në mëngjes.

Departamenti i Korrektimeve në Alaskë u shpreh në një deklaratë se vdekja e tij nuk lidhej me Covid-19. Manzanares, Kristy dhe tre fëmijët po udhëtonin në lundrim për të festuar 18 vjetorin e martesës.

Gjithcka ndodhi pasi gruaja kërkonte të divorcohej. Mbrojtja argumentoi se Manzanares vuante nga një çrregullim dhe kishte qenë duke përzier ilaçet e tij me alkool, duke kërkuar një dënim më të butë prej shtatë vjet e gjysmë. Prokurorët thanë se ai duhet të dënohet me burg ttë përjetshëm.