Si të kujdeseni për mjaltin gjatë ditëve të nxehta

Ardhja e verës dhe temperaturave përvëluese të saj shoqërohet me nevojën për një përkujdesje më të madhe të disa produkteve të përdorimit të përditshëm siç është vaji i ullirit apo mjaltit.

Kur vjen puna tek ky i fundit e dimë që mjalti nuk prishet kurrë, megjithatë koha dhe temperaturat mund të ndikojnë në ngjyrën dhe përmbajtjen e mjaltit.

Mënyra më e mirë për ta ruajtur mjaltin është që të garantosh temperaturën për të cilën ka nevojë.

Ekspertët thonë se si vaji i ullirit ashtu edhe mjalti duhen ruajtur në një temperaturë që varion nga 10 në 20 gradë celcius.

Mos e Fusni Kurrë Mjaltin Në Frigorifer

Ekspertët thonë se mjalti nuk duhet mbajtur kurrë në frigorifer sepse temperaturat e këtij të fundit do të përshpejtojnë kristalizimin e tij.

Për më tepër, frigoriferi do të ndryshojë tërësisht aromën e mjaltit dhe do të degradojë cilësinë e tij.

Nëse kuzhina juaj është shumë e nxehtë, atëherë ekspertët rekomandojnë gjetjen e një vendi tjetër më të freskët.

Mjalti duhet mbrojtur nga ndriçimi i diellit dhe mbajtur në një vend të errët e të freskët por jo pranë sobës ose furrës.

Ena ku do ta mbani atë është gjithashtu e rëndësishme, sipas ekspertëve.

Ata thonë se mjalti nuk duhet ruajtur në enë metalike as në dimër e as në verë.

Mjalti është acidic dhe do të ndryshkë metalin duke prishur kështu cilësinë e tij.

Mjalti nuk duhet ruajtur as në enë qeramike dhe asnjë enë tjetër përveç qelqit.

Kavanozi i mjaltit duhet të jetë me kapak të fortë dhe i mbyllur mirë.

Një tjetër aspekt ndaj të cilit duhet të tregoni kujdes është lagështia ndaj kavanozi që do të zgjidhni është shumë i rëndësishëm.

Në përdorimin e mjaltit duhet të përdorni gjithmonë lugë druri sepse edhe një sasi e vogël uji mund të nxisë fermentimin.

Nëse mjalti juaj kristalizohet për një arsye ose tjetër, është e rëndësishme të mos e fusni në mikrovalë.

Kjo e fundit mund ta nxehë atë shumë shpejt duke shkatërruar vlerat e tij./AgroWeb.org