LIGJET E BIZNESIT
Një ngjarje tronditëse ka ndodhur së fundmi në Leçe të Italisë.
Bëhet fjalë për një tentativë grabitje, që ka dështuar dhe ka përfunduar në vrasje.
Dy vëllezërit shqiptarë kanë ekzekutuar një ish-menaxher banke të dalë në pension.
Mësohet se ai ishte duke marrë para nga një bankomat ATM.
Viktima është identifikuar si 69-vjeçari Giovanni Caramuscio, i cili u vra gjatë natës në Lequile, para një banke.
Sipas mediave italiane deri më tani janë dy vëllezër shqiptar të akuzuar për krimin e rëndë. Ata janë filmuar se teksa kryen vrasjen ndërsa ishin të maskuar me maskë antiCovid, por gjatë arratisjes kishin lënë shumë gjurmë.
69-vjeçari u vra në sy të gruas së tij ndërsa identiteti i shqiptarëve është bërë me dije pas dëshmisë së saj para hetuesve. Ndërkohë policia po kërkon armën e krimit që mund të sjellë prova të reja lidhur me ngjarjen.
Këtë mëngjes zhytësit e ekipit të zjarrfikësve u futën brenda një pusi në një distancë të shkurtër nga banka, pasi mendojnë se arma është hedhur aty. Sidoqoftë, kërkimet për armën e vrasjes nuk dhanë asnjë rezultat.
