Pikë të dobët për vajzat; Ja pse baballarët kanë marrëdhënie më të mirë me gjininë femërore

Baballarët janë njerëzit më të rëndësishëm në botë. Ata kujdesen për fëmijët e tyre, i rrisin ato  me shumë dashuri dhe sa më shumë kohë kalon aq më të pranishëm janë bërë. Ka rezultuar se ata i kushtojnë më shumë vëmendje vajzave të tyre.

Në një studim u përfshinë 52 baballarë djemsh ose vajzash të moshës 1-2 vjeç. Studiuesit panë se si baballarët ndërvepronin me fëmijët e tyre dhe bënë skanime MRI të trurit të tyre. Ata zbuluan se gjinia e fëmijës ka një efekt të drejtpërdrejtë në mënyrën se si është dhe marrëdhënia baba fëmijë.

Baballarët kanë një përgjigje më të madhe ndaj fytyrave të lumtura të vajzave të tyre. Por baballarët e djemve reaguan më shumë ndaj shprehjeve neutrale të fytyrës së tyre. Kjo mund të nënkuptojë që burrat me vajza kënaqen duke parë fytyrat e lumtura të fëmijëve të tyre më shumë sesa ata me djem.

Baballarët janë më të angazhuar dhe më të përgjegjshëm ndaj vajzave sesa djemve. Ata gjithashtu i kushtojnë më shumë vëmendje vajzave dhe trishtimit të tyre. Kjo mund t’i ndihmojë vajzat të zhvillojnë më mirë ndjeshmërinë, por djemtë mund të bëhen të mbyllur emocionalisht.

Siç mund ta shihni, këto detaje dhe veprime në dukje të vogla mund të kenë një ndikim të madh në jetën e një fëmije. Sigurisht, secili prind zgjedh mënyrën e rritjes së fëmijës së tij. Por ia vlen të kujtohet se gjinia nuk është gjithçka dhe dashuria është më e rëndësishme.

Revista Living