“PD në pikën më kritike” Revoltohet Mark Marku: Rrezikojmë të mbetemi në opozitë dhe pas 4 vitesh

Drejtuesi politik i PD në Lezhë Mark Marku foli me tone të ashpra sot gjatë fjalimit të tij në Kuvendin Kombëtar.

Ai u shpreh se partia është në pikën e saj më kritike.

Sipas Markut, në rast se vijohet me këto ritme, kjo forcë politike do të mbetet në opozitë dhe për 4 vite të tjera.

Mark Marku: Për herë të parë në historinë e pluralizmit, PD nuk arriti të vij në pushtet pas dy mandatesh të qeverisjes. Fakt i rëndë për ne dhe për vendin! E vërtetë se PD ka marrë numër më të madh votash, numër më të madh deputetësh, por është e vërtetë dhe ju bëj thirrje ta mendoni, PD është në pikën me kritike të saj. Pse? Sepse kundërshtari ynë politik me këto zgjedhje është shndërruar në një regjim politik me rrezikshmërinë për fatet e shoqërisë. Opinioni publik dhe qytetarët kanë pritshmëri të tjera nga kjo që po bëjmë ne sot.

Mënyra se si po përballemi me gjendjen e rëndë ku ndodhemi, është krejtësisht jashtë kontekstit ku ndodhemi.Duke përdorur një term të Aurel Plasarit ne jemi jashtë kohës politike gjë që po na bën ne që të rrezikojmë kohën e PD-së për 4 vite të tjera. Ne rrezikojmë që edhe pas katër vitesh të mblidhemi prapë dhe të themi po na vodhën prapë, dhe na bënë masakër zgjedhore. Na vodhën për herë të parë s’kemi faj, kur na vjedhin herën e dytë ke dhe ti faj se e ke lënë bravën hapur.

Të fillojmë të mendojmë seriozisht. Kuvendi u mbyll para se të fillonte! Ti mbyll Kongresin dhe voton, kurse ne dalin flasim këtu. Katër propozimet e Kuvendit janë kot. E diskunksionalizon PD-në. Janë funksione që s’kanë lidhje fare me gjendjen ku ndodhet vendi. Hajde ta bëjmë të gjithë partinë Kuvend Kombëtar. E kthejmë PD-në në një gjendje permanente opozitare dhe pa prespektive për ardhjen në pushtet.