Origjina e virusit, OBSH i propozon Kinës misionin e ri

Organizata Botërore e Shëndetësisë ka propozuar nisjen e fazës së sytë për studimin e origjinës e koronavirusit në Kinë, por tashmë do të përfshihet edhe auditimi i laboratorëve dhe tregjeve në Wuhan.

Drejtori i OBSH-së, Tedros Adhanom Ghebreyesus, ka prezantuar planin para vendeve anëtare, teksa u shpreh se deri më tani nuk ka patur hetime të thelluara për shkak të mungesës së të dhënave.

Por Kina e ka kundërshtuar planin e OBSH-së, duke u shprehur se ky plan nuk është bazë për të ardhmen.  “Gjetja e origjinës së virusit është detyrë shkencore, e cila duhet të mbahet larg politikës. Për të ndodhur ajo, ne presim që Kina të mbështesë fazën e ardhshme të procesit shkencor, duke shpërndarë të gjitha të dhënat e nevojshme, për hir të transparencës”, tha drejtori i OBSH.