“Situata këtu është kaotike” Në zonat e përmbytura jetojnë shqiptarë, flet studentja nga Gjermania

Gjermania po përjeton një katastrofë natyrore përmbytjesh.

Deri më tani numri i viktimave ka shkuar në 120 dhe qindra të tjerë rezultojnë të zhdukur.

Por shqetësimi është rritur pasi shumë shqiptarë punojnë dhe jetojnë atje prej vitesh.

Një studente shqiptare e cila jeton në Wuppertal, qytet në landin e Nordrhein-Westfalen, një nga më të prekurit nga përmbytjet, thotë se situata është kaotike dhe se bodrumet e shumë shtëpive janë mbushur me ujë.

“Dëmet janë të mëdha, është një katastrofë natyrore. Këtu është bllokuar çdo gjë, ka shumë dëme materiale dhe bodrumet janë të bllokuara e të mbushura me ujë, çka paraqet rrezik pasi aty mund të ketë energji elektrike. Këtu ka shumë shqiptarë, dy prej shoqeve të mia kanë fjetur tek unë pasi shtëpia e tyre ishte mbushur komplet me ujë”, thotë për Top Channel Theranda Lamaj.