Rriten trefish rastet/ Ja shifrat e 24 orëve të fundit nga pandemia në Shqipëri, sa të infektuar dhe viktima ka

Trefishohet numri i rasteve të reja me C OVID19 në vendin tonë.

Mësohet se në 24 orët e fundit kanë rezultuar pozitivë 18 persona.

Ndërsa sipas të dhënave të Ministrisë së Shëndetësisë 6 pacientë janë shëruar nga virusi.

Edhe sot, për fat të mirë nuk është regjistruar asnjë humbje jete.

Ministria e Shëndetësisë dhe Mbrojtjes Sociale ju bën apel qytetarëve, që të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

NJOFTIMI I PLOTE:

Në 24 orët e fundit janë kryer 3621 testime, nga të cilat kanë rezultuar pozitivë me Covid19, 18 qytetarë në këto bashki: 7 raste në Shkodër, 4 në Tiranë, 3 në Durrës, nga 1 rast në Elbasan, Lezhë, Kamëz, Peqin.

Aktualisht janë 124 pacientë aktivë me COVID19 në të gjithë vendin.

Në Spitalin Infektiv po marrin trajtim spitalor të specializuar 5 pacientë.

Në 24 orët e fundit nuk ka asnjë humbje jete me Sars-Cov2 pozitiv.

Janë shëruar 6 qytetarë gjatë 24 orëve të fundit, duke e çuar numrin e të shëruarve në 130,067 që nga fillimi i epidemisë.

Statistika (16 Korrik 2021)

Raste të reja ditore      18

Të shëruar në 24 orë     6

Të shtruar në spitale      5

Humbje jete në 24 orë   0

Testime ditore                3621

Testime totale             851,111

Raste pozitive             132,647

Raste të shëruara        130,067

Raste Aktive                     124

Humbje jete                   2,456

Shpërndarja gjeografike e rasteve aktive sipas qarqeve:

Tiranë              51

Shkodër            13

Fier                  11

Vlorë                11

Elbasan            11

Durrës              10

Lezhë                7

Korçë                6

Kukës                2

Gjirokastër        2