Do të udhëtojë në hapësirë krah Jeff Bezos/ Kush është 18-vjeçari që do udhëtojë me “Blue Origin”

Oliver Daemen, një 18-vjeçar do të bëhet personi më i ri në botë që fluturon në hapësirë bashkë me miliarderin amerikan, Jeff Bezos, në fluturimin e parë të njerëzve të realizuar nga kompania Blue Origin me 20 korrik.

Daemen do të fluturojë në vend të një ofertuesi anonim, i cili pagoi 28 milionë dollarë për ulësen në një ankand publik.

Oliver është djali i Joes Daemen, shefit ekzekutiv të kompanisë së investimeve Somerset Capital Partners, me seli në Holandë.

Joes Daemen ka siguruar një ulëse në fluturimin e dytë, por është zhvendosur në të parin pasi ofertuesi është tërhequr, tha Blue Origin.

Ai pastaj ia ka ofruar ulësen djalit të tij 18-vjeçar, i cili është student i fizikës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Oliver Daemen do t’i bashkohet Bezos, vëllait të tij Mark, dhe pilotes Wally Funk, 82 vjeçe. Funk do të jetë personi më i vjetër që fluturon në hapësirë.