LIGJET E BIZNESIT
OBSH, Organizata Botërore e Shëndetësisë paralajmëroi ditën e enjte se variante “më të rrezikshme” të Covid-19 mund të shfaqen në botë, duke theksuar se një ndër treguesit krryesorë është dhe rritja e numrit të të infektuarve ditor në disa vende.
Mediat e huaja shkruajnë se zyrtarët e Organizatës kanë deklaruar se një ndër shfaqjet kryesore të rritjes së rasteve të reja me Covid-19 në të gjithë botën është shfaqja e variantit Delta.
“Pandemia nuk është përfunduar askund,” u shpreh në një deklaratë komiteti i urgjencës i OBSH-së . Ndërkohë, janë rritur shqetësimet për shfaqjen e më shumë varianteve të reja dhe më të rrezikshme që do të jenë më sfiduese dhe jo shumë të menaxhueshme.
Virusi është rishfaqur në ato vende ku besohet se kanë shmangur më të keqen e pandemisë, me Australinë e lavdëruar për strategjinë e saj të suksesshme “Covid zero” duke u përballur kështu me një ringjallje që është rritur në pothuajse 1.000 raste në të gjithë vendin brenda një muaji.
Koronavirusi vijon të bëjë kërdinë nga Azia në Afrikë, duke vrarë më shumë se katër milion njerëz që kur u shfaq në Kinë në dhjetor 2019.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
