LIGJET E BIZNESIT
Ambasadorja e SHBA Yuri Kim ka treguar dhe njëherë mbështetjen e Amerikës për vendin tonë.
Ajo ishte e pranishmë në pikën kufitare të Qafë Thanës ku u mbajt një ceremoni sot për bashkëpunimin rajonal, ku USAID dha 100 mijë dollarë për pajisje për doganierët shqiptarë dhe ata të Maqedonisë së Veriut.
Në fjalën e saj, Kim u shpreh se ndihma e SHBA po e bën Ballkanin Perëndimor më të sigurtë.
Por çfarë u vu re para se Kim të mbante fjalimin?
Ndonëse e kaloi koronavirusin në muajin shkurt,, Yuri Kim shfaqet tepër e kujdesshme për të respektuar të gjitha protokollet kundër pandemisë.
Në video shfaqet shoqëruesi i diplomates amerikane, i cili fshin podiumin me alkool dhe ndërron mikrofonin përpara se ambasadorja të mbante fjalën përshëndetëse.
