LIGJET E BIZNESIT
Ish-kryebashkiaku i Lushnjes Fatos Tushe, i akuzuar nga SPAK për shpërdorim detyre ka apeluar vendimin e Shkallës së parë Anti-Korrupsion, që e la në burg Tushen, duke pranuar kërsën e SPAK që e akuzon atë për shpërdorim detyre.
Përmes avokatëve të tij, Tushe i është drejtuar Apelit, ku kërkon masë më të butë sigurie, pasi për të nuk ka prova që e implikojnë në abuzimin me tenderin për 240 milion lekësh, për rehabilitim të kanalit vaditës.
Po ashtu me kërkesë për masë më të bute sigurie, Apelit i janë drejtuar edhe 10 vartësit e Tushes, që u vunë në pranga rreth një javë më parë, pasi SPAK ka ngritur ndaj tyre tre akuza, atë të “Falsifikimit të dokumenteve”, shpërdorimit të detyrës” dhe “abuzimit me tendera publike”.
Nga hetimet e Prokurorisë së Posaçme, rezulton se Fatos Tushe ka shpërdoruar detyrën në lidhje me tre raste. Përgjatë një viti hetime, SPAK pretendon se kryebashkiaku Tushe, ka kryer shkelje jo vetëm për dhënien në favor të miqve tenderin prej 24 milionë lekësh.
Sipas SPAK, ndonëse fituese u shpall ‘Euro Alb’, punimet në lidhje me rehabilitimin e kanalit vaditës i kreu shoqëria e Ibrahim Lamit, i cili shfaqet shpesh në biseda dhe përgjime, si dhe etiketohet si ‘miku’ i kryebashkiakut.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një tjetër episod kundër Tushes lidhet me një telefonatë në të cilën një banor i kërkon ndihmë pasi një inspektor i kishte pezulluar ndërtimin e banesës, dhe ai i përgjigjet “Thuaji që fola me shefin”.
Para një jave, policia hyri në ambinentet e bashkisë duke ekzekutuar 11 urdhër arrestet SPAK, duke vënë në praga kryebashkiakun; Flamur Peqinin; Ibrahim Lamin; Bujar Muratin; Gazmend Çelën; Bektash Nexhën dhe Blerta Turkun.
U ndaluan po ashtu edhe shtetasit, Margarita Gjermeni; Andri Musho; Ani Simoni, dhe Xhemal Haskon, ndaj të cilëve SPAK i kish kërkuar GJKKO-së, masën e sigurisë “arrest shtepie”.
