Policia aksion në Durrës, bllokohet mjeti super-luksoz me vlerë 1 milion euro

Një operacion është duke u zhvilluar që prej orëve të para të mëngjesit të kësaj të marte në Durrës, ndërsa vijon ende.

Lajmi bëhet me dije nga gazetarja Klodjana Haxhiaj, që raporton se nga aksioni janë bllokuar një sasi municionesh dhe kapsolla detonatore, si dhe janë arrestuar disa persona.

Gazetarja sjell pamje, ku shfaqet policia e cila ka bllokuar një taksi dhe një makinë super-luksoze tip “Mc Claren”, vlera e së cilës shkon deri në 1 milion euro.

Mjeti është me targa angleze, sapo ishte futur në Shqipëri. Ndërkohë, policia vijon me kontrollet në banesa, për të zbuluar të tjerë persona të përfshirë në këtë rrjet të trafikimit të armëve luftarake.