LIGJET E BIZNESIT
Një 13-vjeçare është abuzuar seksualisht nga disa persona për kohë të gjatë si pasojë e keqtrajtimit por edhe e neglizhencës nga familjarët.
Mediat në Kosovë shkruajnë se vajza e mitur prej kohësh ishte përzënë nga familjarët e saj dhe një fakt i tillë e kishte detyruar atë që të qëndronte e të flinte rrugëve. 13-vjeçarja dyshohet se ka qenë viktimë e abuzimit seksual nga shumë persona. Në këto përfundime kanë arritur edhe ekzaminimet mjekësore dhe gjinekologjike.
E mitura kishte qenë anëtare e një familjeje në kushte mjaft të vështira ekonomike dhe sociale me njëmbëdhjetë fëmijë. Policia bën me dije se ajo ishte detyruar të qëndronte rrugëve duke iu ekspozuar rrezikut të madh ndërkohë që pas një periudhe kohore kishte shkuar te xhaxhai i saj.
Sipas mediave kosovare midis të dyshuarve për abuzim seksual ndaj 13-vjeçares është edhe ai.
Në lidhje me këtë situatë të rëndë, Policia e Kosovës ka arrestuar vetëm një 51-vjeçar, ndërsa nuk dihet numri i personave që po dyshohen për rastin.
Në datën 16 qershor, familjarët e një vajze 13-vjeçare e kishin raportuar atë si “të zhdukur”. Pas kërkimeve të policisë së Lipjanit, ajo ishte gjetur në një shtëpi të pabanuar në gjendje të mjerueshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
