LIGJET E BIZNESIT
Një bashkëshort aq xheloz saqë mundohej të kontrollonte gjithçka.
Madje ai nuk donte që e shoqja të kishte marrëdhënie shoqërore, duke mos dalë kështu as me mikeshat e saj.
Dhe në momentin që ai mësoi, se gruaja dilte herë pas here me to, lindi dhuna.
Kjo është historia që vjen nga një çift shqiptar në Torino të Italisë, e cila ka përfunduar me bashkëshortin pas hekurave. Shkak është bërë dhuna e vazhdueshme e tij ndaj gruas që siç shkruajnë mediat italiane ishte plot “me shuplaka, grushta dhe shkelma”.
Një ferr i vërtetë për gruan dhe që fatmirësisht përfundoi më 5 Korrik të këtij viti. Shqiptari, një 23-vjeçar, u arrestua pas ndërhyrjes së policisë. Ai akuzohet për dhunë në familje, por edhe për rezistencë ndaj agjentëve të policisë pasi në momentin e arrestimit është përpjekur t’i godiste.
Sherri i fundit mes çiftit ndodhi pas darkës. Kanë qenë fqinjët ata që kanë kërkuar ndërhyrjen e policisë. Kur këta të fundit kanë trokitur në banesë, askush nuk është përgjigjur. Kaluan disa minuta dhe gruaja doli në ballkon dhe i shpjegoi agjentëve që nuk kishte nevojë për ta. Por policët u kthyen në derën e shtëpisë dhe folën ballë për ballë me të. Dhe pasi i shpjegon të njëjtat gjëra që tha në ballkon, bashkëshorti mbyll me shpejtësi derën.
Këtu policët kuptuan që gruaja i kishte thënë të gjitha justifikimet për shkak të frikës dhe menjëherë ndërhynë brenda banesës. Nga aty, ajo filloi dhe i tha të gjitha, që nga dhuna e deri tek izolimi nga bashkëshorti sepse ai nuk e lejonte që të takohej me shoqet. Identitet e çiftit shqiptar nuk janë bërë ende të ditura.
