Rasti i rrallë/ Gruaja e infektuar me dy variantet e virusit në të njëjtën kohë, humb jetën

Një grua 90-vjeçare belge që vdiq pasi u sëmur me Covid-19, ishte infektuar me të dy variantet Alpha dhe Beta të koronavirusit në të njëjtën kohë, thanë studiuesit.

Gruaja e pavaksinuar u shtrua në spital në mars, dhe ndërsa nivelet e saj të oksigjenit fillimisht ishin të mira, gjendja e saj u përkeqësua shpejt dhe vdiq pesë ditë më vonë.

Ajo u zbulua se mbante si llojin Alpha ashtu edhe variantin Beta të covid.

“Të dyja këto variante po qarkullonin në Belgjikë në atë kohë, kështu që ka të ngjarë që zonja të ishte infektuar me viruse të ndryshme nga dy njerëz të ndryshëm”, tha biologia molekulare Anne Vankeerberghen.

Është e mundur të merren dy variante Covid në të njëjtën kohë te individët

Vankeerberghen tha se ishte e vështirë të thuhej nëse bashkë-infeksioni luajti një rol në përkeqësimin e shpejtë të pacientit.

Në janar, shkencëtarët në Brazil raportuan se dy njerëz ishin infektuar njëkohësisht me dy lloje të ndryshme të koronavirusit, por studimi ende nuk është botuar në një revistë shkencore.

KJo sipas ekspertëve tregon se është e mundur të merren dy variante Covid në të jëjtën kohë./Gazeta SHQIP