LIGJET E BIZNESIT
Një biletë për të ndjekur kombëtaren në Kampionatin Europian, kryesisht në ditët e sotme kur numri i tifozëve është mjaft i limituar, është një dhuratë e jashtëzakonshme.
Në të tillë formë mendoi edhe 37-vjeçarja Nina Farooqi, e cila mori një biletë nga shoqja e saj.
Shoqja e saj kishte siguruar dy bileta për ndesjen Angli-Danimarkë në ëembley dhe e ftoi 37-vjeçaren në stadium. Nina nuk u mendua dy herë dhe telefonoi në punën e saj, duke u thënë se ishte shumë e sëmurë dhe se nuk mund të paraqitej. Megjithatë, kamerat në ëembley e tradhtuan bindshëm atë, teksa u shfaq duke festuar pas triumfit ndaj nordikëve. Ajo u pa menjëherë nga kolegët e punës, por edhe shefi i saj. Të nesërmen, ajo u shkarkua. “Mos u mëso të mashtrosh, e ke humbur vendin e punës”, ishte telefonata që ajo mori teksa po kthehej në shtëpi ditën e enjte.
Në një reagim , drejtori i kompanisë “Composite Prime”, Charles Taylor, tha se punonjësja e saj mund ta kishte ndjekur ndeshjen nga stadiumi dhe sot të ishte sërish në punë, në qoftë se nuk do të kishte gënjyer.
“Është një kohë emocionuese për të gjithë në Angli dhe duke na thënë të vërtetën, ne do ta kishim lejuar atë të shkonte në një ndeshje kaq të rëndësishme futbolli. Fatkeqësisht, me këtë rast punonjësja jonë gënjeu, duke marrë një ditë pushimi si e sëmurë, por për të marrë pjesë në ndeshjen e futbollit, të mërkurën, 7 korrik”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nina u pendua për veprimin e saj, duke kërkuar falje.
