Largoheshin nga orari i punës për të shkuar në palestër apo për ‘shopping’, çfarë ndodhi me 28 zyrtarët shtetërorë

Policia vendosi nën hetim 28 zyrtarë shtetërorë të komunës së Palermos pasi largoheshin nga puna pa lajmëruar për arsyet e tyre.

Mediat italiane shkruajnë se ata paraqiteshin në punë dhe bënin “check-in” për marrjen e turnit e më pas largoheshin, disa për shopping, disa për të pirë kafe e disa të tjerë për stërvitje.

Po ashtu, ka pasur raste kur një punonjës bënte “check-in” për disa të tjerë që nuk paraqiteshin aspak nëpërmjet kartave të tyre identifikuese.

Zyrtarët u zbuluan përmes kamerave të sigurisë. Një skemë e tillë ishte përsëritur dhjetëra herë brenda pak muajsh.

8 prej zyrtarëve u lanë në arrest shtëpie ndërsa për 20 personat e tjerë u vendos detyrim paraqitje.