LIGJET E BIZNESIT
Dy kunetër shqiptare, shpresonin që përmes kultivimit të paligjshëm të kanabis sativa, të zgjidhnin hallet e tyre e të shlyenin borxhet. Mësohet se Adrian Qevani dhe Ervin Abazi janë kapur në një shtëpi bari, teksa po kujdeseshin për rritjen e rrënjëve të kanabisit.
Në momentin që forcat e rendit hynë në banesën e tyre në Goldenhill, kunetërit u larguan me shpejtësi skëterrë nga dera e pasme, mirëpo nuk arritën të shkonin shumë larg.
Në dhomat e sipërme të banesës, efektivët arritën të gjenin 83 rrënjë kanabisi, vlera e të cilave nëse do hynin në treg mund të shkonte deri në 28 mijë paundë.
Në shtëpinë e cila ishte e kthyer në laborator droge u zbuluan disa ventilatorë, freskuese, llamba, etj, pajisje këto që shërbenin për rritjen e bimëve narkotike.
Mediat shkruajnë se Adriani kishte vetëm një javë që shkuar në Britani, për të shlyer disa borxhe që kishte i ati , dhe dicka të tillë ia kishte sugjeruar pikërisht Ervini, i cili ishte nisur atje para 6 apo 7 muajsh, por tani duhet t` shlyente huanë prej 12 mijë paundësh personave që e dërguan atë në Angli. Mënyra më e lehtë për ta kthyer këtë borxh sipas tij, ishte pikërisht puna në shtëpinë e barit.
