“Ja çfarë do të ndodhë shumë shpejt” Arrestimet e SPAK, avokat Beqiri paralajmëron ‘tërmetin’ e rradhës

Avokati i njohur Idajet Beqiri ka deklaruar se SPAK sapo ka nisur aksionet e bujshme, pasi në ditët në vijim do të ndodhin arrestime të rëndësishme.

Ai paralajmëroi se tashmë nuk ka më kthim pas dhe se të gjitha krimet e ndodhura në 30 vitet e fundit do të ndëshkohen.

“Njerëzit mendonin se SPAK do të bënte çudira menjëherë. Por tani shikojmë që motori është ndezur dhe shpejtësinë do ta marrë gradualisht, deri sa të marrë drejtimin e duhur. SPAK ka goditur të pandëshkueshmit e parë, ata që kanë krijuar këtë kaos në Shqipëri. Njerëz të nivelit të lartë të pushtetit gjyqësor, ekzekutiv, legjislativ dhe të pushtetit të katërt siç është media.

Prokuroria dhe gjykata tona ishin më të korruptuarat, ndaj në gjithë këto vite nuk ka pasur ndëshkime. Në Shqipëri u mboll institucioni i korrupsionit, dhe këtë e nguliti fort politika e lartë. Ata emëruan në sistemin e drejtësisë njerëz të korruptuar duke bërë që çdo krim të mbulohej.

Kjo situata tani po ndryshon sepse pandëshkueshmërisë në vend i ka ardhur fundi. SPAK sapo ka nisur por vala e arrestimeve do të jetë e gjatë”, u shpreh Beqiri në Shqip.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern