Deputetja Rudina Hajdari ka sulmuar sot nga foltorja e Kuvendit, kreun e partisë Demokratike Lulzim Basha.

Hajdari ka thënë se as opozita as qeveria nuk punojnë për të celur negociatat e Shqipërisë me Bashkimin Europian.

Deputetja ka shtuar se përsa i përket kësaj situate qeveria është sjellë me arrogancë ndërsa kreu i opozitës viziton Anglinë e cila po del nga BE.

Madje Hajdari ka folur ashpër dhe për Bashën duke thënë se shoqërohet me delegatë të ushtrisë së vdekur.

“Gjatë këtyre dy javëve kam pasur vizita në tre vende kryesore të BE, Gjermania, Franca dhe Holanda. Do doja të shprehja me ju dhe shqiptarët se cfarë u tha në këto takime. Më duhet të them se arroganca që mbizotëron në sjelljen e kësaj qeverie si brenda dhe jashtë Shqipërisë po dëmton vendin. Ndodhmi në një moment të vështirë për Europën dhe Shqipërinë. Fakti që kemi një qeveri arrogante tregon se ata nuk duan një bashkëpunim. Po ashtu edhe opozita nga ana tjetër nuk po e ndihmon këtë rrugëtim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kemi një kryetar në tentativë që jo vetëm viziton Anglinë që po del nga BE po shoqërohet me disa delegatë të ushtrisë së vdekur. A nuk është ky një turp. Pse ne nuk jemi në gjendje sot e kësj ditë të shkojnë të unifikuar drejt BE-së. Çelja e negociatave nuk është anëtarësim por thellim i përgjegjësisë sonë. Pse e bëjmë ne këtë se ata na e refuzojnë dhe hezitojnë të çelin negociatat. Ata mendojnë se Shqipëria ndodhet në një moment të vështirë që nuk ka arritur të kapërcejë konfliktet ndërpartiake, mungesa e dialogut. E kam shumë të vështirë të dal para tyre dhe të shpjegoj se opozita është jashtë Parlamentit”, tha Hajdari.