Aksident i rëndë në Korçë/ E zuri poshtë makina me dru, ndahet nga jeta zyrtari i lartë (EMRI)

Një aksident i rëndë ka ndodhur sot në fshatin Dushar të njësisë administrative Lozhan të Maliqit.

Mësohet se një kamion i tipit IFA i ngarkuar me dru ka dalë nga rruga duke u përmbysur.

Për pasojë mjeti në fjalë ka zënë poshtë një person i cili ka ndërruar jetë.

Mësohet se viktima është 38-vjeçari Marsel Nazifi, drejtor i pyjores pranë bashkisë së Maliqit.

Forcat zjarrfikëse bashkë me policinë janë duke shkuar në vendngjarje.

Mësohet se trupi i pajetë është nxjerrë nga banorë të fshatit.

Po ashtu nga aksidenti janë plagosur edhe 4 persona të tjerë.